Na 11 Sheria ya Ulinzi wa Taarifa Binafsi, 2022 (2) Kwa kuzingatia kifungu kidogo cha (1)(a) mkusanyaji anayehusika katika uchakataji wa taarifa binafsi atawajibika kwa madhara yatakayotokana na uchakataji huo; na (b) mchakataji anayehusika na uchakataji wa taarifa binafsi atawajibika kwa madhara yatakayotokana na uchakataji huo ikiwa(i) hajatekeleza wajibu ulioelekezwa mahsusi kwa wachakataji chini ya Sheria hii; au (ii) ametenda kinyume na maelekezo halali ya mkusanyaji. (3) Mkusanyaji au mchakataji hatawajibika kwa namna iliyoainishwa katika kifungu kidogo cha (2) ikiwa mkusanyaji au mchakataji huyo atathibitisha kuwa hakuhusika kwa namna yoyote katika tukio lililosababisha madhara. (4) Katika sehemu hii, "madhara" yanajumuisha upotevu wa fedha na madhara yasiyohusisha upotevu wa fedha. SEHEMU YA NANE MASHARTI YA FEDHA Vyanzo vya fedha za Tume 51. Fedha za Tume zitajumuisha(a) kiasi cha fedha ambacho kinaweza kutengwa na Bunge; (b) fedha zitakazopatikana kutokana na huduma, ushauri au malipo mengine; (c) fedha zitakazotokana na michango, zawadi au ruzuku; (d) mikopo; na (e) mapato mengine yatakayotokana na utendaji wa shughuli za Tume chini ya Sheria hii. Usimamizi wa fedha 52. Fedha za Tume zitasimamiwa na Bodi kwa mujibu wa sheria za fedha na zitatumika kugharamia matumizi yanayohusiana na utekelezaji wa majukumu ya Tume chini ya Sheria hii 28