Na 11 Sheria ya Ulinzi wa Taarifa Binafsi, 2022 wajumbe si chini ya siku kumi kabla ya tarehe ya kikao na endapo Mwenyekiti hawezi kuitisha kikao kwa sababu ya ugonjwa au sababu nyingine yoyote au hayupo katika Jamhuri ya Muungano, Makamu Mwenyekiti anaweza kuitisha kikao hicho. (4) Bodi inaweza kuendelea na shughuli zake bila kujali kuwa nafasi yoyote ya ujumbe iko wazi. Mgongano wa maslahi 6.-(1) Pale ambapo mjumbe wa Bodi wakati wowote ana mgongano wa maslahi kuhusiana na(a) suala lolote lililo mbele ya Bodi kwa ajili ya kujadiliwa au kuamuliwa; (b) jambo lolote ambalo Bodi inaweza kutarajia kuwa linaweza kufika mbele yake kwa ajili ya kujadiliwa au kuamuliwa, mjumbe atafichua mara moja mgongano wa maslahi kwa wajumbe wengine wa Bodi na kuacha kushiriki katika, au kuendelea kuwa sehemu ya, kujadili au kuamua jambo hilo. (2) Iwapo Bodi itafahamu kwamba mjumbe ana mgongano wa maslahi kuhusiana na jambo lolote lililo mbele ya Bodi, itamuelekeza mjumbe huyo kutoshiriki au kutoendelea kushiriki katika kujadili au kuamua suala hilo. (3) Mjumbe wa Bodi atachukuliwa kuwa amekiuka masharti ya aya ndogo ya (1) ikiwa(a) atashindwa bila sababu za msingi kuweka wazi maslahi yake kama anavyotakiwa; au (b) kwa kujua atatoa tamko la uongo au la kupotosha ambalo lina athari katika uamuzi, mtu huyo atakuwa anatenda kosa na atapaswa kujiuzulu katika wadhifa wake. Mwaliko wa mtaalamu 7. Bodi inaweza kumwalika mtu yeyote ambaye si mjumbe kushiriki katika mijadala ya Bodi na kutoa utaalam kama Bodi itakavyohitaji, lakini mtu huyo hatakuwa na haki ya kupiga kura. Akidi 8. Akidi katika kikao chochote cha Bodi itakuwa zaidi ya nusu ya wajumbe wa Bodi. Muhtasari wa vikao 9. Muhtasari wa kila kikao cha Bodi utahifadhiwa na kuthibitishwa na Bodi katika kikao kitakachofuata. Uamuzi wa Bodi 10. Uamuzi wa Bodi katika suala lolote utakuwa kwa wingi wa kura za wajumbe waliopo na pale ambapo kura hizo zitalingana, Mwenyekiti atakuwa na kura ya turufu. Bodi kuendesha taratibu zake 11. Kwa kuzingatia masharti ya Sheria hii, Bodi itakuwa na mamlaka ya kusimamia taratibu zake kuhusiana na vikao na ufanyaji wa shughuli zake. 36