ხელმისაწვდომი, მოიცვა სრულიად სოციალური ქსელი. შესაბამისად .................პასუხისმგებელი იყო საკუთარ ქმედებაზე. საჯარო სივრცეში გავრცელებით საჩივრის ავტორის მიზანი იყო შეურაცხყოფა მიეყენებინა პოლიციის პოლიციის თანამშრომლებისათვის და ამით შეელახა ავტორიტეტი. ამასთან საჩივრის ავტორის თვალზარისით განსახილველ შემთხვევაში მისი მხრიდან სახეზეა წვრილმანი ხულიგნობის ჩადენის ფაქტიც, კერძოდ ასკ-ის 166-ე მუხლის შემადგენლობაც, რაც გულისხმობს საზოგადოების თავშეყრის ადგილზე ლანძღვა-გინებას, მოქალაქეზე შეურაცხმყოფელ გადაკიდებას, რითაც დაარღვია მათი სიმშვიდე და მყუდროება. საჩივრის ავტორი საჩივრით წარმოდგენილი მოთხოვნის დაკმაყოფილების დასასაბუთებლად აპელირებს ქუთაისის სააპელაციო სასამართლოს 2021 წლის 10 ივნისის №4/ა-169-21წ დადგენილებაზე, სადაც სასამართლო განმარტავს იმის შესახებ, რომ ,,თანამედროვე რეალობაში კარგად ჩანს, რომ საზოგადოებრივი კომუნიკაციისა და თავშეყრის ერთ-ერთი და საკმაოდ კომფორტული ადგილი სწორედ სოციალური ქსელია. იმისათვის, რომ საზოგადოება წვრილმანი ხულიგნობის ფაქტის თვითმხილველი გახდეს საერთოდ არ არის აუცილებელი ფიზიკურად შეესწროს ამ ფაქტს, მაშინ როდესაც კანონით გათვალისწინებული სამართალდარღვევის ყველა ნიშანი გამოიხატება პირის მიერ სოციალურ ქსელში გავრცელებულ ქმედებაში. სოციალური ქსელი ფეისბუქი არის სოციუმი, სადაც თავმოყრილია საზოგადოება და მოქმედებს საზოგადოებრივი ურთიერთობების მომწესრიგებელი იგივე ნორმა, რაც ჩვენს ირგვლივ არსებულ რეალურ ურთიერთობაში“. ამავე ქუთაისის სააპელაციო სასამართლოს, 2021 წლის 24 ივნისის №4/ა-169-2021წ დადგენილებაში იკითხება: ,,კანონის ტექსტი ჩვეულებრივ აბსტრაქტულია, რომლის ზოგადი დებულებებიც განმარტებას მოითხოვს. რადგან ზოგადი მცნებები ხშირად იძლევა განსხვავებული ინტერპრეტაციის შესაძლებლობას. ასეთ შემთხვევაში უნდა მოხდეს სამართლის ნორმის განმარტება, რაც გულისხმობს მის შინაარსში სწორად გარკვევას, იმის დადგენას თუ რა მოიაზრა მასში კანონმდებელმა. ნორმის განმარტება ხორციელდება სამართლის შეფარდების პროცესში, კონკრეტულ შემთხვევასთან მიმართებაში. ამავე დროს ნორმის განმარტებას უნდა ქონდეს საყოველთაო და ზოგადი მოქმედების პრეტენზია. მან გონივრული შედეგი უნდა მოგვცეს სხვა სავარაუდო შემთხვევების მიმართაც. ნორმის შინაარსის გარკვევა იწყება გრამატიკული განმარტებით, რა დროსაც ნორმის შინაარსის ახსნა ხდება სიტყვათა მნიშვნელობისა და გრამატიკული წესების მიხედვით. გრამატიკული განმარტების პროცესში სიტყვა უნდა განიმარტოს იმ მნიშვნელობით, რომელიც მას ჰქონდა კანონის ძალაში შესვლის მომენტისათვის. თუმცა თუ დროთა განმავლობაში სიტყვის მნიშვნელობა შეიცვალა და მან შეიძინა სხვა დატვირთვაც, განმარტება უნდა მოხდეს სიტყვის თანამედროვე მნიშვნელობით. ამასთან განმარტება უნდა გამომდინარეობდეს კონსტიტუციური მართლსწესრიგიდან და უნდა უზრუნველყოფდეს კონკრეტული ურთიერთობის სწორ სამართლიან 7