22 ноември 2022 Бр. 251 - Стр. 41 Прилог: ЛИЦЕНЦА ЗА ВРШЕЊЕ НА ЕНЕРГЕТСКА ДЕЈНОСТ СНАБДУВАЊЕ СО ЕЛЕКТРИЧНА ЕНЕРГИЈА 1. Назив и седиште на носителот на лиценцата Друштво за трговија и услуги ЕНЕРЏИ ПОИНТ ДООЕЛ увоз-извоз Скопје, со седиште на ул. “Карл Либкнехт” бр. 58 Скопје-Гази Баба, Република Северна Македонија 2. Енергетската дејност за која се издава лиценцата: Снабдување со електрична енергија 3. Датум на издавање на лиценцата: 21 ноември 2022 година 4. Датум на важење на лиценцата: 21 ноември 2032 година 5. Евидентен број на издадената лиценца: ЕЕСНАБ-762-2022 6. Единствен матичен број: 7522177 7. Единствен даночен број: 4043021531060 8. Вид и обем на енергетската дејност што ќе се врши Како снабдување со електрична енергија во смисла на оваа лиценца, се смета набавување на електрична енергија од земјата и од странство, заради продажба на потрошувачи, трговци, други снабдувачи, операторот на електропреносниот или операторите на електродистрибутивните системи како и на други учесници на пазарот н�� електрична енергија согласно член 100 од Законот за енергетика*. 9. Опис на условите и начинот на вршење на дејноста Енергетската дејност снабдување со електрична енергија, носителот на лиценцата ќе ја врши преку склучување на соодветни договори за купување и продажба на електрична енергија и договори за закупување на преносен и/или дистрибутивен капацитет. 10. Подрачје на кое ќе се врши дејноста Енергетската дејност снабдување со електрична енергија, носителот на лиценцата ќе ја врши на целата територија на Република Северна Македонија и странство. 11. Општи обврски за носителот на лиценцата Носителот на лиценцата е должен да: - обезбеди непречена и континуирана испорака на електрична енергија согласно купопродажните договори, - обезбеди од операторите соодветен преносен и/или дистрибутивен капацитет во согласност со важечките тарифи, правилата за пазар на електрична енергија, мрежните правила за пренос и мрежните правила за дистрибуција за електричната енергија која се обврзал да ја испорача на своите потрошувачи, - им фактурира на своите потрошувачи надоместок за испорачаната електрична енергија по договорната цена како и надоместок за користење на пазарот на електрична енергија. Доколку снабдувачот има склучено договор со операторот на дистрибутивниот систем, согласно членот 93 став (5) од Законот за енергетика*, снабдувачот на електрична енергија на своите потрошувачи ќе им ги фактурира и надоместоците за користење на преносниот и/или дистрибутивниот систем. Фактурирањето се врши врз основа на мерењата за потрошената активна и/или реактивна електрична енергија и за ангажираната електрична моќност, извршени од соодветниот оператор на системот, - работи во согласност со правилата за снабдување со електрична енергија и правилата за пазар на електричната енергија, - ги исполни своите обврски кон потрошувачите во однос на сигурноста и обемот на снабдувањето, - обезбеди за своите потрошувачи услуга со квалитет утврден во правилата за снабдување со електрична енергија, - обезбеди недискриминаторен третман на сите потрошувачи, а особено за потрошувачите од оддалечените подрачја, - ги објави на својата веб страница општите услови на своите договори за снабдување со електрична енергија за малите ��отрошувачи и домаќинствата, - овозможи потрошувачите да добиваат редовни и точни известувања за реалната потрошувачка и трошоците за електрична енергија, за да можат да управуваат со својата потрошувачка, - овозможи промена на снабдувач на транспарентен и недискриминаторен начин, без трошоци за потрошувачот, во рок не подолг од три недели од денот кога потрошувачот доставил барање за снабдување до новиот снабдувач со електрична енергија, - обезбеди при секоја промена на снабдувач со електрична енергија, потрошувачот да добие конечно затворање на сметката во рок од шест недели од настанувањето на промената на снабдувачот, - воспостави постапки за ефикасно решавање на приговорите на своите потрошувачи во рок од 60 дена, вкпучувајќи можност и за вонсудско решавање на спорови и обврска за враќање и/или компензација на средства кога е тоа оправдано, - ги плати набавените количини на електрична енергија, како и резервираниот капацитет и регулираните услуги од операторот на електропреносниот систем и/или операторите на електродистрибутивните системи, - доставува до операторот на електропреносниот систем податоци за трансакциите и плановите за потрошувачка на електрична енергија за своите потрошувачи, неопходни за пресметка на дебалансите, - ги објавува општите статистички податоци поврзани со неговите потрошувачи, земајќи ја предвид заштитата на доверливоста, - ги плати набавените количини на електрична енергија, како и закупените капацитети и соодветните регулирани услуги од операторите на електропреносниот систем и/или на дистрибутивните системи и операторот на пазарот на електрична енергија, - достави до Регулаторната комисија за енергетика и водни услуги на Република Северна Македонија, по нејзино барање и во определен рок, информации и извештаи за своите трансакции и деловните активности што произлегуваат, завршуваат или поминуваат на територијата на Република Северна Македонија, - обезбеди соодветен стручен кадар за вршење на енергетска дејност снадбување со електрична енергија, - обезбеди соодветна компјутерска и телекомуникациска опрема за издавање и контрола на сметките и комуникација со потрошувачите,