Член 29 (1) Агенцијата за заштита на правото на слободен пристап до информации од јавен карактер е самостоен и независен државен орган, кој работи и донесува одлуки во согласност со надлежностите утврдени со овој закон. (со права, обврски и одговорности утврдени со овој закон). 7 (2) Средствата за работа на Агенцијата се обезбедуваат од Буџетот на Република Македонија. Седиштето на Агенцијата е во Скопје. (3) Агенцијата за својата работа, за во претходната година одговара пред Собранието на Република Македонија до кое поднесува на усвојување годишен извештај најдоцна до 31 март во тековната година. 8 (4) Агенцијата има својство на правно лице. Надлежност на Агенцијата Член 30 Агенцијата ги врши следниве работи: - води управна постапка и одлучува по жалби против решението со кое имателот на информацијата го одбил или отфрлил барањето за пристап до информации на барателите, се грижи за спроведување на одредбите од овој закон, подготвува и објавува листа на иматели на информации, - дава мислења по предлози на закони со кои се уредува слободен пристап до информации, - развива политики и дава насоки во врска со остварување на правото на слободен пристап до информациите, - води прекршочна постапка преку Прекршочна комисија која одлучува по прекршок во согласност со закон, - презема активности на планот на едукацијата на имателите на информации за правото на слободен пристап до информациите со кои тие располагаат, - соработува со имателите на информации во однос на остварувањето на правото на пристап до информации, - подготвува годишен извештај за својата работа и го доставува до Собранието на Република Македонија, - извршува работи на меѓународна соработка поврзани со извршувањето на меѓународните обврски на Република Македонија, учество во спроведувањето на проекти на меѓународните организации и соработува со органите на другите земји и институции од областа на слободниот пристап до информации од јавен карактер, - врши промоција на правото на слободен пристап на информации од јавен карактер и - врши и други работи утврдени со овој и друг закон. Раководење со Агенцијата Член 31 (1) Со Агенцијата раководи директор. (2) Директорот на Агенцијата има заменик. (3) За својата работа директорот на Агенцијата и неговиот заменик одговараат пред Собранието на Република Македонија. Именување на директорот и на неговиот заменик Член 32